السلام علیکم سامعین!
سندھی لئنگویج اتھارٹی کی جانب سے تیار کردہ سندھی بول چال کے پروگرام کے ساتھ، میں ہوں ڈاکٹر فہمیدہ حسین۔
پچھلے سبق میں آپ نے زمانہ حال میں مختلف ضمیروں کے عدد واحد کے ساتھ جملے بنانا سیکھے تھے۔ اب آئیے جمع میں دیکھیں کیا صورت ہوتی ہے۔ بنیادی صورتیں جو میں نے آپ کو بتائی تھیں وہ اس طرح تھیں ’ہم آئیں‘ یا سندھی میں کہیں گے ’اساں اچوں‘۔ ان کی نئی صورتیں بنیں گی’ ہم آتے ہیں‘۔ ’ اسیں اچوں تھا‘۔
یعنی اردو میں فعل واحد ’آتا‘ سے جمع میں ’آتے‘ بنا اور ’ہوں‘ سے ’ہیں‘۔ سندھی میں واحد میں ’اچاں‘ سے جمع ‘اچوں‘ بنا اور معاون فعل 'تھو‘ سے جمع ’تھا‘ ہوگیا۔ حسن آپ کی سمجھ میں آگیا ہو تو جملہ بنانے کی کوشش کیجئے۔
حسن: میں آتا ہوں۔ ماں اچاں تھو۔ ہم آتے ہیں۔ اساں اچوں تھا۔
میں جاتا ہوں۔ ماں ونجاں(وڃان) تھو۔ ہم جاتے ہیں۔ اساں ونجوں(وڃون) تھا۔
میں لکھتا ہوں۔ ماں لکھاں تھو۔ ہم لکھتے ہیں۔ اساں لکھوں تھا۔
میں پڑھتا ہوں۔ ماں پڑھاں تھو۔ ہم پڑھتے ہیں۔ اساں پڑھوں تھا۔
(اسماء دہرائیں گی)
استاد: اس کے بعد مؤنث صورتیں کیا ہوںگی، اسماء۔
اسماء: میں آتی ہوں۔ ماں اچاں تھی۔ ہم آتی ہیں۔ اساں/ اسیں اچوں تھیوں۔
استاد: ’اساں اچوں تھیوں‘ کہئے، اس میں ’تھی‘ کی جگہ ہم نے ’تھیوں‘ کا استعمال کیا جو کہ سندھی میں ’تھی‘ کی جمع ہے۔ تو اس طرح جملہ بنا ’میں آتی ہوں‘۔ ’ماں اچاں تھی‘۔ ’ہم آتی ہیں‘۔’ اسیں/ اساں اچوں تھیوں‘ آپ بھی دہرائیے:
اسماء: میں آتی ہوں۔ ماں اچاں تھی۔ ہم آتی ہیں۔ اسیں/ اساں اچوں تھیوں۔
میں جاتی ہوں۔ ماں ونجاں (وڃان)تھی۔ ہم جاتی ہیں۔ اسیں / اساں ونجوں(وڃون) تھیوں۔
میں لکھتی ہوں۔ ماں لکھاں تھی۔ ہم لکھتی ہیں۔ اسیں/ اساں لکھوں تھیوں۔
میں پڑھتی ہوں۔ ماں پڑھاں تھی۔ ہم پڑھتی ہیں۔ اسیں/ اساں پڑھوں تھیوں۔
میں سوتی ہوں۔ ماں سمھاں تھی۔ ہم سوتی ہیں۔ اسیں / اساںسمھوں تھیوں۔
(حسن بھی دہرائیں گے)
استاد: اب آپ دونوں صرف جمع کے جملے ساتھ ساتھ کہیئے کیونکہ واحد اور جمع کو میں الگ کرنا چاہ رہی ہوں۔ لیکن ان میں کچھ اضافی الفاظ بھی استعمال کیجئے۔
حسن: ہم آتے ہیں۔ اسیں / اساں اچوں تھا
اسماء: ہم آتی ہیں۔ اسیں / اساں اچوں تھیوں
حسن: ہم روٹی کھاتے ہیں۔ اسیں/ اساں مانی کھاؤں تھا (سندھی میں' روٹی' کو ' مانی' کہتے ہیں)
اسماء: ہم روٹی کھاتی ہیں۔ اسیں/ اساں مانی کھاؤں تھیوں
حسن: ہم پانی پیتے ہیں۔ اساں پانڑیں پیئوں تھا (پاڻي)
اسماء: ہم پانی پیتی ہیں۔ اساں پانڑیں پیئوں تھیوں
حسن: ہم خط لکھتے ہیں۔ اساں خط لکھوں تھا
اسماء: ہم خط لکھتی ہیں۔ اساں خط لکھوں تھیوں
حسن: ہم کتاب پڑھتے ہیں۔ اساں کتاب پڑھوں تھا
اسماء: ہم کتاب پڑھتی ہیں۔ اساں کتاب پڑھوں تھیوں
استاد: اس طرح آپ نے سندھی زبان میں زمانہ حال میں جملے بنانا سیکھے جو کہ ضمیروں کی تین قسموں کی ساتھ بنائے۔ ضمیر متکلم، حاضر اور غائب، مذکر مؤنث واحد جمع کے صیغوں میں فعل کی صورت میں تبدیلی کو بھی آپ نے دیکھا۔ اگلے سبق میں میں آپ کو کچھ اور نئی باتیں بتاؤںگی، تب تک کے لئے اجازت چاہتی ہوں۔ خداحافظ۔
