السلام علیکم سامعین!
سندھی لئنگویج اتھارٹی کے تیار کردہ سندھی زبان کےکورس کے ساتھ، میں ہوں ڈاکٹر فہمیدہ حسین۔
پچھلے چند اسباق میں ہم نے آپ کو ضمیری لاحقوں یعنی Pronominal Suffixes کےبارے میں بتایا تھا، سندھی میں یہ اسموں کے ساتھ تو لگتے ہیں مگر اس کے علاوہ بھی ان کا ایک پورا نظام ہے۔ اس کی اہم باتیں میں آپ کو بتا دیتی ہوں۔
زمانہ ماضی اور زمانہ مستقبل کے لئے ضمیر متکلم ،ضمیر حاضر اور ضمیر غائب کے لئے کون کون سی نشانیاں لگتی ہیں۔ سندھی زبان کا یہ نظام بہت ہی مربوط ہے، آپ ایک پورا جملہ ایک لفظ میں ادا کر سکتے ہیں۔ پہلے میں آپکو مفرد ضمیری نشایاں بتاؤں گی اور پھر مرکب ضمیری نشانیاں، مثلاً ہم کہتے ہیں:
میں نےکھایا۔ موں کھادھو۔ کھادھم۔
میں نے کھائی۔ موں کھادھی۔ کھادھیمَ۔
میں نے لکھا۔ موں لکھیو۔ لکھیمُ۔
میں نے لکھی۔ موں لکھی ۔ لکھیمَ۔
میں نے پڑھا۔ موں پڑھیو۔ پڑھیمُ۔
میں نے پڑھی۔ موں پڑھی۔ پڑھیمَ۔
(اسماء اور حسن دہرائیں گے)
استاد: ٹھیک ہے، یہ تو تھے فعل متعدی کے الفاظ ۔ جب فعل لازمی ہوگا تو یہ لاحقہ ’م‘ کے ساتھ ساتھ ’س‘ بھی ہوجاتا ہے۔ اپر سندھ (لاڑکانہ، شکارپور اور سکھر کے آس پاس کے شہر) میں ’م‘ ہی لگتا ہے، مگر لوئر سندھ (معیاری لہجے حیدرآباد اور اسکے آس پاس کے شہر) میں یہ ’س‘ ہوتا ہے۔ جیسے:
الفاظ مذکر مؤنث
میں آیا۔ آیسُ (آیمُ)۔ آیسِ (آیَم)۔
میں گیا۔ ویسُ (ویمُ)۔ وِیس (ویَم)۔
میں دوڑا۔ ڈوڑیسُ(ڈوڑیم)۔ ڈوڑیس(ڈوڑیَم)۔
میں بھاگا۔ بھگسُ(بھگم)۔ بھگیس(بھگیمَ)۔ (سندھی کی مخصوص آواز’ڳ‘ کے ساتھ)
میں رویا۔ رُنسُ (رنُم)۔ رُنیس(رنَم)۔
میں سویا۔ ستسُ/ (ستم)۔ ستیس(ستَم)۔
(اسماء اور حسن دہرائیں گے)
استاد: اسی طرح جمع میں بھی ضمیری لاحقے لگتے ہیں، جیسے:
ہم نے لکھا۔ اساں لکھیو۔ لکھیوسیں۔ لکھیوں سیں۔ (ہم نے لکھیں)
ہم نے پڑھا۔ اساں پڑھیو۔ پڑھیوسیں۔ پڑھیوں سیں۔ (ہم نے پڑھیں)
ہم نے کھایا۔ اساں کادھو۔ کھادھوسیں۔ کھادھیوں سیں۔ (ہم نے کھائیں)
ہم نے کھولا۔ اساں کھولیو۔ کھولیوسیں۔ کھولیوں سیں۔ (ہم نے کھولیں)
(اسماء اور حسن دہرائیں گے)
استاد: ان تمام الفاظ میں آپ نے دیکھا کہ (جمع میں) ضمیری نشانی یا لاحقہ ’سیں‘ ہے، جو کہ ضمیر کو ہٹا کر لگایا گیا ہے اور یہ صورت ہم دوسرے فعلوں کے ساتھ بھی لگائیں گے۔ آج کے لئے اتنا ہی۔ اجازت دیجئے۔ خدا حافظ۔
