السلام علیکم سامعین!
سندھی لئنگویج اتھارٹی کی جانب سے میں ہوں ڈاکٹر فہمیدہ حسین، سندھی- اردو بول چال پروگرام کے ساتھ۔
پچھلے سبق میں ہم نے آپ کو زمانہ مستقبل میں کچھ الفاظ بنانا سکھائے تھے جو کہ مکمل جملے کی صورت رکھتے ہیں، اور ان میں ضمیری نشانیوں کا استعمال ہوتا ہے۔ ان میں سے چند الفاظ میں دہراتی ہوں:
چوندُسُ۔ میں کہونگا۔ چوندوسانس۔ میں اُس سے کہونگا۔
چونداسونس۔ ہم اس سے کہیں گے۔ چونداسونِ۔ ہم ان سے کہیں گے۔
(اسماء اور حسن دہرائیں گے)
استاد: اس کے بعد ہم ضمیر غائب اور ضمیر حاضر کو ایک ساتھ استعمال کریں گے۔
چوندینس۔ (چوندیں+ س) تم اس سے کہوگے۔
چوندؤس۔ (چوندؤ+ س) آپ اس سے کہیں گے۔
چوندؤنِ۔ (چوندؤ+ نِ) آپ ان سے کہیں گے۔
(اسماء اور حسن دہرائیں گے)
استاد: اب ضمیر حاضر اور متکلم کے ساتھ بنائیں گے:
چوندینم۔ (چوندیں+ م) تم مجھ سے کہوگے۔
چوندؤم۔ (چوندؤ+ م) آپ مجھ سے کہیں گے۔
استاد: مؤنث کے ساتھ ضمیر حاضر اور متکلم:
میں اس سے ملونگی۔ ماں ہن ساں ملندیس۔ ملندی سانس۔
وہ مجھ سے ملے گی۔ ہوءَ موں ساں ملندی۔ ملندیمَ۔
(اسماء اور حسن دہرائیں گے)
استاد: اس طرح کے کچھ مزید جملے:
کل میں اس کے پاس جاؤنگی۔ سبھانڑیں ویندی سانس۔
کل وہ مجھ سے ملے گی۔ سبھانڑیں ملندیمَ۔
یا
کل وہ مجھ سے ملے گی تواس سے کہونگی۔ سبھانڑیں ملندیمَ تہ چوندی سانس۔
(اسماء اور حسن دہرائیں گے)
استاد: اب اس جملے کا ترجمہ کیجئے:
اسماء: چھا سبھانڑیں ویندیںءَ سِ؟ کیا تم کل اس کے پاس جاؤگی؟
(حسن دہرائیں گے)
استاد: ’ویندیئںءَ س‘ لفظ میں تین چار ضمیر چھپے ہوئے ہیں، اس میں 'تم'، 'وہ' اور سامنے والے کو مخاطب ہوکر بھی کہتے ہیں، اور یوں اس طرح کی کئی ضمیری نشانیاں استعمال ہوتی ہیں۔ یہ چیزیں بحث سے کم پریکٹس سے زیادہ سمجھ میں آتی ہیں۔ اس لئے اس بحث کو یہیں ختم کرتے ہیں۔ کل پھر ملیں گے۔ تب تک لئے اجازت۔ خدا حافظ۔
