السلام علیکم سامعین!

سندھی لئنگویج اتھارٹی کے تیار کردہ کورس کے ساتھ، میں ہوں ڈاکٹر فہمیدہ حسین۔

پچھلے سبق میں ، میں نے آپ سے کہا تھا کہ سندھی- اردو یا   اردو - سندھی لغت سے کچھ الفاظ یاد کرکے آئیے گا، تاکہ ہم انہیں جملوں میں استعمال کریں۔امید ہے آپ نے لغت سے کچھ الفاظ یاد ضرور کئے ہوں گے۔ اسماء آپ بتائیے:

اسماء:   جی ہاں میڈم! میں نے کچھ ضمیر یعنی  Pronoun یاد کئے ہیں۔ اردو کے لفظ  ’یہ‘  کو  (سندھی میں) ’ہی‘ کہتے ہیں ’وہ‘  کو  ’ہو‘ کہتے ہیں۔ جمع میں بھی اسی طرح لکھا تھا۔

استاد:   اور حسن! آپ نے کچھ یاد کیا ہے؟

حسن:  میں نے دو فعل یعنیverbsیاد کئے ہیں۔ ’ہے‘  کو   ’آہے‘ کہتے ہیں اور ’ہیں‘  کو  ’آہن‘ کہتے ہیں۔

استاد:   اچھی بات ہے کہ آپ ان الفاظ کو سیکھ کر آئے ہیں۔   کیونکہ ان کی مدد سے ہم واحد اور جمع بنانا سیکھیں گے۔ ایک بات یہاں آپ کو بتاتی چلوں کہ سندھی میں چونکہ تمام الفاظ متحرک ہوتے ہیں، اس لئے اسموں کی طرح ضمیروں اور فعلوں کو بھی متحرک بولتے ہیں۔ مثلاً آپ نے کہا  ’یہ‘  کو کہتے ہیں ’ہی‘۔ لیکن لفظ ’ یہ‘  اگر  مذکر کے لئے استعمال ہوگا تو اس میں ہلکی سی ’اُ ‘ کی آواز ملائیں گے اور  کہیں گے ’ہیءُ‘ اور اگر مؤنث کے لئے استعمال ہوگا تو آخر میں’ اَ ‘ کی ہلکی سی آواز لگائیں گے یعنی ’ہیءَ‘۔ اسی طرح  ’وہ‘ کے لئے مذکر میں تو ’ہُو‘  رہے گا، مگر مؤنث میں ’ہوءَ‘ بنے گا، البتہ جمع میں یہ بغیر ان حرکات کے استعمال ہوتے ہیں۔ مثالوں سے آپ زیادہ بہتر طور پر سمجھ سکیں گے۔ اردو کا کوئی جملہ بناکر بتائیے اور پھر اس کو ترجمہ کرکے بھی بتائیے۔

اسماء:   ’یہ باغ ہے‘۔   ’ہی باغُ  آہے‘۔                (هي باغ آهي)

استاد:   اس مرحلے پر یہ بالکل صحیح ترجمہ ہے۔ تلفظ کو بعد میں درست کیا جا سکتا ہے، کیونکہ ’ہی‘  اور ’باغ‘ کے آخر میں ہلکی سی’ اُ ‘ کی آواز ملاتے ہیں ۔

’ہیءُ باغُ آہے‘۔

حسن!          آپ بھی اسے دہرائیے اور پھر کوئی جملہ بنائیے۔

حسن:  ’ہیءُ باغُ  آہے‘۔       یعنی    یہ باغ ہے۔     (هيءُ باغُ آهي)

        ’ہو جھازُ   آہے‘۔               وہ جہاز ہے۔    (هو جهازُ آهي)

استاد:   اب اسی طرح چند جملے بناتے ہیں۔ میں اردو کا جملہ بولتی ہوں، آپ ترجمہ کیجئے:

                             استاد             -

شاگرد

 

یہ قلم ہے

ہیءُ قلمُ آہے (اسماء)

(هيءُ قلمُ آهي)

وہ کاغذ ہے

ہو کاغذُ   آہے (حسن)

(هو ڪاغذُ آهي)

یہ فرش ہے

ہیءُ فرشُ آہے (اسماء)

(هيءُ فرشُ آهي)

وہ خط ہے

ہو خطُ   آہے (حسن)

(هو خطُ آهي)

یہ گلاس ہے

ہیءُ گلاسُ  آہے(اسماء)

(هيءُ گلاسُ آهي)

        اب یہ تو جملے ہوئے واحد کے۔ ان کو جمع میں بدلنے کے لئے آپ کیا کریں گے؟

اسماء:   ’قلمُ‘ کی جمع ہے ’قلمَ‘ ،  ’ آہے‘  کی جمع ہے ’آہن‘، ’ہیءُ‘  کی جمع ہے  ’ ہی‘-

حسن:  اسی طرح  ’گلاسُ‘  کی جمع  ’ گلاسَ‘ ،  ’خَطُ‘ کی جمع ’خطَ‘

استاد:   اردو کے جملے ’یہ قلم ہے‘  کی جمع ہوتی ہے ’یہ قلم ہیں‘  یعنی صرف ’ہے‘  کو  ’ہیں‘  میں تبدیل کیا، مگر سندھی میں تینوں الفاظ میں حرکات کی تبدیلی ہو جاتی ہے۔ آپ جمع بنانے کی کوشش کیجئے گا۔

اسماء:              یہ قلم ہے

ہیءُ قلمُ  آہے

(هيءُ قلمُ آهي)

 

یہ قلم ہیں

ہی قلمَ  آہن

(هي قلمَ آهن)

 

یہ خط ہے

ہیءُ خطُ   آہے

(هيءُ خطُ آهي)

 

یہ خطوط ہیں

ہی خطَ  آہن

(هي خطَ آهن)

استاد:   اب حسن آپ پھر سے کوشش کیجئے۔

حسن:    وہ گلاس ہے

ہو گلاسُ  آہے

(هو گلاسُ آهي)

 

   وہ گلاس ہیں

ہو گلاسَ  آہن

(هو گلاسَ آهن)

 

  وہ کاغذ  ہے

ہو کاغذُ  آہے

(هو ڪاغذُ آهي)

 

  وہ کاغذ ات ہیں

ہو کاغذَ  آہن

(هو ڪاغذَ آهن)

استاد:   ایک بات ان جملوں میں آپ نے نوٹ کی ہوگی کہ اردو میں عربی فارسی الفاظ کی جمع عربی اور فارسی کے اصولوں کے مطابق ہوتی ہے۔ مثلاً ’خط‘ کی جمع ’خطوط‘  اور’ کاغذ‘  کی جمع ’ کاغذات‘، مگر سندھی میں عام طور پر ایسا نہیں ہوتا۔ اس کے اپنے اصول کے مطابق جمع بناتے ہیں۔ اب آپ دونوں باری باری دوسری قسم کے مذکر اور مؤنث الفاظ کے جملے بنائیں۔

حسن:  یہ تانگہ ہے                      ہیءُ  ٹانگو  آہے۔               (هيءُ ٽانگو آهي)

یہ تانگے ہیں                    ہی  ٹانگا  آہن۔                (هي ٽانگا آهن)

وہ تالہ ہے                              ہو تالو آہے۔          (هو تالو آهي)

وہ تالے ہیں                     ہو تالا آہن۔          (هو تالا آهن)

استاد:   اب آپ مؤنث کے جملے بھی بناکر بتائیے۔

اسماء:   یہ خبر ہے               –     ہی خبر آہے۔

استاد:   سندھی میں مؤنث کے لئے جو ضمیر ہم نے استعمال کیا، اس میں بھی حرکت لگائی اور ’ اَ ‘  کی آواز بھی لگتی ہے۔ اب یہ جملہ اس طرح ہوجائے گا:  ہیءَ خبرَ آہے۔       (هيءَ خبرَ آهي)

اسماء:   ہیءَ  خبرَ آہے۔ اس کی جمع ہوگی:

یہ خبر یں ہیں           ہی خبروں آہن۔                (هي خبرون آهن)

وہ  دال ہے              ہوءَ  دالِ آہے۔         (هوءَ دال آهي)

وہ  دالیں ہیں             ہو  دالیوں آہن۔              (هو داليون آهن)

استاد:   ٹھیک ہے۔ آج آپ نے مذکر مؤنث جمع واحد کے جملے بنانا سیکھا۔ اگلے سبق کے لئے کچھ گنتی کے الفاظ اور کچھ صفات یاد کرکے آئیے گا، صفات کو انگریزی میں Adjectives کہتے ہیں۔ جیسے اچھا ، بُرا، چھوٹا، بڑا، سفید، کالا  اور دوسرے رنگ وغیرہ۔ وہ آپ ڈکشنری سے دیکھ کر آئیے گا۔ انشاء اللہ! کل پھر آپ سے ملاقات ہوگی۔ خدا حافظ۔