السلام علیکم سامعین!
سندھی لئنگویج اتھارٹی کی جانب سے سندھی کے کورس کے ساتھ، میں ہوں ڈاکٹر فہمیدہ حسین۔
پچھلے سبق میں ہم نے آپ کو زمانہ ماضی میں فعل لازم کے جملے بنانا سکھائے تھے۔ اس بات کو ایک بار پھر دہرا بھی لیتے ہیں اور اس کے بعد ایک نئے زمانہ ماضی استمراری Past Continuous Tense اور زمانہ ماضی بعید Past Perfect Tense کے جملے بھی بنانا سیکھیں گے، میں کل کے جملے ایک بار دہرا لیتی ہوں تا کہ آپ کو یاد رہیں۔
ضمیر متکلم:
میں تیز دوڑا۔ ماں تیز ڈوڑیُسُ۔
میں تیز دوڑی۔ ماں تیز ڈوڑیَسِ۔
ہم تیز دوڑے۔ اساں تیز ڈوڑیاسیں۔
ہم تیز دوڑیں۔ اساں تیز ڈوڑیوں سیں۔
ضمیر حاضر:
تم کیوں بھاگے؟ توں چھو بھگیں؟ (مخصوص سندھی آواز ’ک‘)
تم کیوں بھاگیں؟ توں چھو بھگیںءَ؟
آپ کیوں بھاگے؟ توھاں چھو بھگا؟
آپ کیوں بھاگیں؟ توھاں چھو بھگیوں؟
ضمیر غائب:
وہ گھر گیا۔ ہو گھر ویو۔
وہ گھرگئی۔ ہوءَ گھر وئی۔
وہ گھر گئے۔ ہو گھر ویا۔
وہ گھر گئیں۔ ہو گھر ویوں۔
استاد: ان تینوں ضمیروں کے ساتھ آپ نے واحد اور جمع کے جملے مذکر اور مؤنث کے ساتھ بنانا سیکھے۔ اب میں آپ کو کچھ چیزیں یاد بھی دلاتی چلوں۔
ہم نے فعل لازم میں ماضی کا جملہ بنایا تھا۔ 'میں تیز دوڑا' یا 'میں دوڑا' یعنی 'ماں ڈوڑیُسُ'۔ اس جملے کو جب ہم Continuous Tense یا استمراری میں کہیں گے تو اردو میں کہیں گے 'میں تیز دوڑ رہا تھا' یعنی جب دوڑنے کا کام ہو رہا تھا تو اس کام کے جاری ہونے کے بارے میں کہا جا رہا ہے، تو اس کو کہتے ہیں، ماضی استمراری یعنی Past Continuous Tense اس کا سندھی میں ترجمہ ہوگا۔ 'ماں تیز ڈوڑیسُ پئے' یعنی 'ڈوڑیسُ' کے بعد ہم نے صرف 'پئے' لفظ کا اضافہ کیا۔ تو یہ Continuous Tense کا جملہ بنا۔ جمع میں کہیں گے: 'ہم تیز دوڑے'، 'اساں تیز ڈوڑیاسیں'۔ یہ آپ سیکھ چکے ہیں۔ اس کو ہم استمراری میں کہیں گے: 'ہم تیز دوڑ رہے تھے'، 'اساں تیز ڈوڑیاسیں پئے'، اس میں بھی ہم 'پئے' کا اضافہ کر رہے ہیں۔ یعنی صرف 'پئے' معاون فعل کا اضافہ کیا تو زمانہ تبدیل ہوکر زمانہ ماضی استمراری بن گیا۔ اس طرح دیگر ضمیروں کے ساتھ بھی یہ زمانہ ماضی 'پئے' ملاکر بنایا جاتا ہے۔ پہلے آپ ان جملوں کو ایک بار دہرالیں تا کہ فرق آپ کو پتہ چل جائے۔ اسماء! پہلے آپ ضمیر متکلم کے جملے دہرائیے۔
اسماء: میں تیز دوڑا۔ ماں تیز ڈوڑیُسُ۔
میں تیز دوڑ رہا تھا۔ ماں تیز ڈوڑیُسُ پئے۔
(حسن دہرائیں گے)
اسماء: ہم تیز دوڑے۔ اساں تیز ڈوڑیاسیں۔
ہم تیز دوڑ رہے تھے۔ اساں تیز ڈوڑیاسیں پئے۔
(حسن دہرائیں گے)
استاد: اس کے علاوہ آپ ضمیر حاضر کے جملے بنائیے۔
تم آ رہے تھے۔ توں آئیں پئے۔
آپ آ رہے تھے۔ توھاں آیا پئے۔
وہ جا رہا تھا۔ ہو ویو پئے۔
وہ جا رہے تھے۔ ہو ویا پئے۔
استاد: ان کو مؤنث میں کس طرح تبدیل کریں گے۔ اب یہ بتاؤں گی۔
ضمیر متکلم:
میں آ رہی تھی۔ ماں آیَسِ پئے۔
ہم آ رہی تھیں۔ اساں آیوں سیں پئے۔
(اسماء اور حسن دہرائیں گے)
ضمیر حاضر:
تم جا رہی تھیں۔ توں وئیںءَ پئے۔
آپ جا رہی تھیں۔ توھاں ویوں پئے۔
(اسماء اور حسن دہرائیں گے)
ضمیر غائب:
وہ دوڑ رہی تھی۔ ہوءَ ڈوڑی پئے۔
وہ دوڑ رہی تھیں۔ ہو ڈوڑیوں پئے۔
(اسماء اور حسن دہرائیں گے)
استاد: اس کے ساتھ ہی آج کا سبق ختم ہوا۔ اجازت دیجئے۔ خدا حافظ۔
