السلام علیکم سامعین!
سندھی لئنگویج اتھارٹی کی جانب سے تیار کردہ سندھی کورس کے ساتھ، میں ہوں ڈاکٹر فہمیدہ حسین۔
پچھلے سبق میں ہم نے آپ کو زمانہ ماضی استمراری یعنی Past Continuous Tense میں جملے بنانا سکھائے تھے۔ اس کے بعد زمانہ ماضی بعید کے جملے بھی ہم نے بنائے تھے۔ حسن اور اسماء آپ اِن جملوں میں سے چند کو دہرائیے۔
حسن: میں کل کلاس میں دیر سے آیا تھا۔ ماں کلھَ کلاسَ میں دیر ساں آیو ہُئسُ۔
ہم کل جلدی گھرگئے تھے۔ اساں کلھَ جلدی گھر ویا ہئاسیں۔
ہم کل جلدی گھر گئیں تھیں۔ اساں کلھَ جلدی گھر ویوں ہیوں سیں۔
(اسماء اور حسن دہرائیں گے)
استاد: اب یہ تو ہوئے ضمیر متکلم کے جملے واحد اور جمع میں۔ آج کے سبق میں، میں ضمیر حاضر اور ضمیر غائب کے جملےبنانا سکھاؤں گی۔ میں صرف آپ کو فعل کی بنیادی صورت بتاؤں گی۔ باقی جملے آپ کو خود بنانے ہونگے۔
تم گئے تھے۔ توں ویو ہئیں۔
آپ گئے تھے۔ توھاں ویا ہئا۔
تم گئی تھیں۔ توں وئی ہئیںءَ۔
آپ گئی تھیں۔ توھاں ویوں ہیُوں۔
استاد: اب آپ ان فعلوں کی بناوٹ کو ذہن میں رکھتے ہوئے نئے جملے بنائیے۔
حسن: تم کل کہاں گئے تھے؟ توں کلھَ کیڈانھں ویو ہئیں۔ (ڪيڏانهن)
آپ کل کہاں گئے تھے؟ توھاں کلھَ کیڈانھں ویا ہئا؟ (ڪيڏانهن)
تم کل کہاں گئی تھیں؟ توں کلھَ کیڈانھں وئی ہئیںءَ؟ (ڪيڏانهن)
آپ کل کہاں گئی تھیں؟ توھاں کلھَ کیڈانھں ویوں ہیوں؟ (ڪيڏانهن)
(اسماء اور حسن دہرائیں گے)
استاد: یہ تو ہوگئے ضمیر حاضر کے جملے۔ اسی طرح ضمیر غائب کے ساتھ فعل کی صورت اس طرح ہوتی ہے۔ مثلاً:
وہ دوڑا تھا۔ ہو ڈوڑیو ہو۔
وہ دوڑے تھے۔ ہو ڈوڑیا ہئا۔
وہ دوڑی تھی۔ ہوءَ ڈوڑی ہئی۔
وہ دوڑی تھیں۔ ہو ڈوڑیوں ہیوں۔
(اسماء اور حسن دہرائیں گے)
استاد: آپ کو پتہ چلا کہ زمانہ ماضی بعید کے جملوں میں تینوں ضمیروں کے ساتھ فعل کی صورت کیا ہوتی ہے۔ اس کے ساتھ ہی آج کا سبق ختم ہوا۔ انشاء اللہ کل پھر ملاقات ہوگی۔ تب تک کے لئے اجازت۔ خدا حافظ۔
