السلام علیکم سامعین!
سندھی لئنگویج اتھارٹی کی جانب سے تیار کردہ سندھی اردو بول چال کے کورس کے ساتھ، میں ہوں ڈاکٹر فہمیدہ حسین۔
پچھلے سبق میں ہم نے زمانہ ماضی بعید کے جملے بنائے تھے، اور ان جملوں میں سے میں نے آپ کو تین طرح کے (ضمیروں کے)جملے بنانا سکھائے تھے۔ ضمیر حاضر، ضمیر غائب اور ضمیر متکلم۔ اور ان میں ہم نے واحد جمع دونوں صورتوں میں فعل کی صورت دیکھی تھی۔ آپ مجھے بتائیے کہ آپ ان کو کس طرح سمجھے ہیں۔ آپ نے کچھ جملے بنائے تھے۔ ان کو ایک بار دہرا لیجئے۔
حسن: تم کل کہاں گئے تھے۔ توں کلھَ کیڈانھں ویو ہئیں۔ (ڪيڏانهن)
آپ کل کہاں گئے تھے۔ توھاں کلھَ کیڈانھں ویا ہئا۔
تم کل کہاں گئیں تھیں۔ توں کلھَ کیڈانھں وئی ہئیںءَ۔
آپ کل کہاں گئیں تھیں۔ توھاں کلھَ کیڈانھں ویوں ہیوں۔
(اسماء دہرائیں گی)
استاد: اس کے بعد ہم نے آپ کو ضمیر غائب کے جملے بنانا بھی بتائے تھے۔ ان کو آپ پہلے بنیادی صورت میں دہرائیں پھر کچھ نئے جملے مجھے بناکر بتائیں۔
اسماء: وہ دوڑا تھا۔ ہو ڈوڑیو ہو۔
وہ دوڑے تھے۔ ہو ڈوڑیا ہئا۔
وہ دوڑی تھی۔ ہوءَ ڈوڑی ہئی۔
وہ دوڑی تھیں۔ ہو ڈوڑیوں ہیوں۔
استاد: اب آپ انہی جملوں میں کچھ اضافی الفاظ ملاکر، کچھ جملے بناکر بتائیے۔
اسماء: وہ تیز کیوں دوڑا تھا؟ ہو تیز چھو ڈوڑیو ہو؟
وہ تیز کیوں ڈوڑے تھے؟ ہو تیز چھو ڈوڑیا ہئا؟
وہ تیز کیوں دوڑی تھی؟ ہوءَ تیز چھو ڈوڑی ہئی؟
وہ تیز کیوں دوڑی تھیں؟ ہو تیز چھو ڈوڑیوں ہیوں؟
(حسن دہرائیں گے)
استاد: یہ بناوٹیں اگر آپ کو یاد رہیں گی تو پھر آپ نئے نئے جملے بنا سکیں گے۔ جس طرح میں نے ابھی آپ سے بنوائے تھے۔ آج کے سبق میں آپ نے زمانہ ماضی بعید کے جملے تینوں ضمیروں کے ساتھ واحد- جمع، مذکر اور مؤنث کے ساتھ بنائے۔ اس کے ساتھ ہی آج کا سبق ختم ہوا۔ انشاء اللہ کل پھر ملاقات ہوگی۔ تب تک کے لئے اجازت۔ خداحافظ۔
